الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

**فالفنانة مريم فخردين دخلت لسينما لجمالها مش اكثر فالافلام التي قدمتها من الخمسينات لحد الان
رغم كثرتها لكن لم تترك بصمتها الواضحة في دنيا السينما بستثناء فيلم **رد قلبي ** وهذا عدم
استمرارها في سينما في احدي حوراتها قالت بان السينما هي التي احبتني مش انا التي حبيتها
ربما عدم حبها للسينما ربما هو سبب عدم استمرارها في السينما ترك هذه النجمة الجميلة في جل افلامها تقريبا من خمسينات وبداية السيتينات البطلة الثانية او الثالثة حتي اصبحت مع الاسف من الثمنيات لحد الان قريبة من ادوار الكومبارس
شكرا حبيتي لهذه المقالة تسلم ايديكي

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

في إحدى المقابلات القديمة من 10 سنوات تقريبا ً أو أقل عندما قال المقدّم كلمة سيدة الشاشة العربية ، استبقته الفنانة مريم فخرالدين بالقول " يعني إيه سيدة الشاشة العربية يعني إحنا الجواري ؟ "

شكرا ً لك يا هدى الغالية على المقال ويعطيك ِ العافية

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

شكرا يا غالية
انا مرة حضرت لها مقابلة بدأت تتكلم كلام عن بعض الفنانين لا يصح لا بحقها و لا بحقهم

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

مقالة محزنة والفن ما خدمها على قدر ما خدمته ولا القيمين عليه ارجو لها التوفيق وربنا معاها

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

قامت اعتماد خورشيد صاحبة كتب الفضائح الشهيرة بتكليف محاميها الخاص محمد طاهر بإقامة دعوى قضائية ضد الفنانة مريم فخر الدين ومقدم البرامج الشهير طوني خليفة تتهمهم فيها بسبها وقذفها في برنامج (لماذا) الذي يقدمه طوني على قناة القاهرة والناس وطالبتهم بتعويض مادي كبير نتيجة الأضرار الأدبية الجسيمة التي لحقت بها – حسبما جاء في الدعوى - من جراء ما جاء على لسان مريم في حقها في البرنامج ويعد - كما تقول - بمثابة السب والقذف فى حقها .

اعتماد خورشيد أكدت أنها فوجئت بقيام مريم فخر الدين بشن حرب عنيفة ضدها عند استضافتها في البرنامج والذي وصفت فيه اعتماد خورشيد بأنها امرأة مرتزقة قدمت كتاباً لكي تتكسب منه اعتماداً على تقديم فضائح غير حقيقية عن الفنانات وغير هذا من العبارات الأخرى التي تضمنتها الحلقة وستقدم تفاصيلها بالكامل للمحكمة .

الطريف أن اعتماد خورشيد قامت قبل إذاعة الحلقة بالتقدم ببلاغ للنائب العام اعتماداً على تنويهات القناة للبرنامج بعد أن فوجئت كما تقول بورود اسمها على لسان مريم فخر الدين بشكل غير لائق وسخيف، وتوقعت بعد التقدم بالبلاغ ان يتم وقف إذاعة الحلقة إلا أن هذا لم يحدث حيث تمت إذاعة الحلقة كاملة وهو ما دفعها لاتخاذ قرارها بتحريك دعواها القضائية ضد مريم والبرنامج والقناة .

اعتماد خورشيد أكدت أنها فوجئت عند سؤال طوني خليفه لمريم فخر الدين عن حقيقة ما ذكرته اعتماد خورشيد عنها في كتابها الشهير عن علاقتها هى وفنانات أخريات بالسياسيين ورجال السلطة في عصر عبدالناصر بنفي مريم لكل ما ذكر في الكتاب وقالت إن اعتماد خورشيد هذه امرأة مرتزقة كتبت كتاب كي تكسب منه فما ورد في كتابها في حقنا نحن الفنانات كله خطأ واعترضت عليه أيضاً سعاد حسني رحمها الله وأيضاً شادية قبل اعتزالها للفن وغيرهن من الفنانات الأخريات.

يذكر أن مريم فخر الدين قامت في البرنامج بفتح النار على بعض الفنانات والفنانين الكبار مثل فاتن حمامة وصباح والراحلان يوسف شاهين ورشدى أباظة، حيث قالت عن فاتن حمامة ولقب سيدة الشاشة الذي حصلت عليه: أرفض أن تكون "ستنا" فهي ليست سيدة الشاشة فمثلاً هي لا تستطيع أن تجسد دور أنجي في رد قلبي ولا أي دور مما قدمت في أفلامي الأخرى.

وعن يوسف شاهين قالت مريم: إنه في رائي أسوأ وأقبح مخرج رأيته في حياتي لقد عملت معه في فيلم (شيطان الصحراء) ولم يعجبني هذا الفيلم وندمت على العمل معه بشدة .

وعن رشدي أباظة قالت: إنه طفل كبير ولم أعجب به في حياتي لأنه كان "نسوانجي" وتزوج صباح وسامية جمال وتحية كاريوكا ولا أعرف ماذا رأى فيهن كي يتزوجهن أما أنا فحاول أن يتزوجني ولم أوافق أبداً.

كما عاتبت صباح بشدة بسبب اعترافها بخيانة أزواجها كما خانوها وقالت: غلط وعيب ما قالته صباح فأنا لم أر امرأة في حياتي تطلع تقول أنا فعلت خطيئة حتى لو حصل المفروض تداري ولا تفضح نفسها وهي على مشارف لقاء ربها .

وهنا سألها طونى: وهل فعلت أنت مثلها وخنت أزواجك فقالت استغفر الله العظيم أنا مسلمة ومصرية وشرقية ولم يحدث أن خنت أزواجي نعم هم خانوني كثيراً جداً لكني سامحتهم لأني لا أعرف الخيانة وليس لي في أمور الإغراء .. أنا لست مثل صباح فأنا بخاف ربنا وبخاف من الحرام ولا أفعل هذا الشيء أبداً .. والدي كان صعيدي واتربيت على أن الكلام مع الشباب خطأ !!

وتحدثت مريم عن علاقتها بأزواجها الأربعة بداية بالمخرج محمود ذو الفقار وقالت إنه كان يكبرها بـ 23عاماً حيث تزوجته وعمرها 17عام ولم يستمر الزواج بسبب هذا الفارق الكبير وعن زواجها من الفنان فهد بلان قالت مريم: لم نكمل حياتنا معاً لأن أبنائي لم يكونوا على علاقة طيبة معه فكان أبني يضع له الحشرات على سريره وفهد أيضاً لم يكن يحبهم بسبب تصرفاتهم السيئة معه ولهذا انفصلنا.

وحول أصدقاءها المقربين في الوسط قالت مريم: أنا صديقة لشادية وهند رستم ونادية لطفي ونتحدث مع بعض كثيراً عبر الهاتف خاصة شادية التي علمتني كيف أتوضأ لأن أمي كانت مسيحية وماتت على ديانتها وكانت تحاول أن تجعلني مسيحية مثلها ولكني رفضت وقد أرسلت شاديه لي كتاب (المسلم الصغير) بالصور كي أتعلم الوضوء والحمد لله منذ 25 سنة وأنا أصلي الوقت حاضر ولا يفوتني فرض.

وهنا سألها طوني : إذاً لماذا أنت غير محجبة ؟ ..فقالت : ولماذا اتحجب؟ لقد قرأت القرآن ولم أجد فيه شيء عن الحجاب .

**************
تعتبر الفنانة مريم فخردين اكثر الفنانات التي لا تعرف المجاملة ولا كذب ولا يهمها ماذا
سيكون رد الزملاء وراء اي حديث تدلي به ان كان للاعلام الكتابي او المسوع او حتي
علي الفضائيات

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

فعلا الفنانة مريم فخرالدين غيرمجاملة ابدا وتحكي اللي يعجبها ولا يعجبها ولو كان عن نفسها واما من ناحية اعتماد خورشيد هي التي يقام عليها الدعاوي لانها مفترية وعندها حق لما قالته عنها السيدة مريم فخرالدين لانها لم تترك حد والا وضعته بخانة الخيانة فهذه هي اتماد خورشيد والت يالان تطالب برد اتبارها عبر الدعاوي على سيدة صادقة وبرئية وطيبة القلب

شكرا لك ياغالية

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

كل كاتب بنزل كتاب يجب ان يربح منه كيف اذا كان كتاب فضائح عن الفنانات
الفنانة مريم فخرالدين عفوية وتلقائية تقول كلمتها ولو على قطع رقبتها اكتر من مرة حضرت لها مقابلة اما بالنسبة لاعتماد خورشيد الذي يدق الباب فيجب ان يسمع الجواب وسمعته واغضبها لنشوف مين رح يخلص من هذه القضية

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

وهذه هي المقابلة التي من اجلها ادعت على مريم فخرالدين




الفن أونلاين – مروة حمزة

	[ندعوك للتسجيل في المنتدى أو التعريف بنفسك لمعاينة هذه الصورة]
	مريم فخر الدين

فاتن ليست صديقتي وجو أسوأ مخرج

	[ندعوك للتسجيل في المنتدى أو التعريف بنفسك لمعاينة هذه الصورة]

	[ندعوك للتسجيل في المنتدى أو التعريف بنفسك لمعاينة هذه الصورة]
	مريم فخر الدين مع طوني خلال البرنامج

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

اشكر نور الحياة والاخت هدى للتوضيح لقصة اعتماد خورشيد وادعاءها على الفنانة مريم فخرالدين وعندها حق مريم بكل ما قالته لانهاانسانة صادقة وليس عندها مواربة ابدا ولا مجاملة

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

موضوع شيـق جدا مريم عندها حق فى كل اللى قالته عن هذه الاعتماد خورشيد
يعنى اعتماد زعلت من كلمة واحدة قالتها مريم عليها وهى مرتزقة وهى مهمهاش
كل اللى قالته عن الفنانات والفنانين والسياسين اللى كان فى كتابها وكمان قالت على نفسها

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

سورى
الله ينور يا نور الحياة على الموضوع ده

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

شكرا للمروك ياخ حسن ...سعدت بمرورك يااخ dousha..ونورت المنتدي فاهلا وسهلا بك صديقا
في هذا الموقع :*1:

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

حكايات من دفتر مريم فخرالدين

هي واحدة من أهم جميلات السينما المصرية.. من ينسى الأميرة إنجي في "رد قلبي"، وفاطمة في "موعد مع الماضي"، وحبيبة العندليب عبد الحليم حافظ الذي غنى لها "بتلوموني ليه" في فيلم "حكاية حب"..
إنها الرقيقة الرومانسية الحالمة الصريحة مريم فخر الدين التي التقينا بها في شقتها المطلة على حديقة الحيوان بالجيزة، والتي مازالت قسماتها تحمل رائحة زمن الفن الجميل من أثاث وصور كثيرة وذكريات جمعت بينها وبين كل نجوم الزمن الجميل.
قابلتني بابتسامة جميلة وقالت لي: "بصي بقى اوعي تدحرجيني في الكلام وتخليني أحكي لك ذكرياتي مع زمايلي نجوم زمان لأن الذكريات دي بيدفعوا فيها ملايين".. تقصد طبعا القنوات الفضائية قلت لها ماشي أنا هاسيبك تحكي اللي إنتي عايزاه، وبدأنا بالحديث عن طفولتها..
"أنا من مواليد الفيوم، وماما كانت مجرية، وبابا مصري؛ لكنه كان مولود في جدة بالسعودية.. وأسرتي كانت تركيبتها غريبة شوية؛ فبابا كان مسلم، وماما كانت مسيحية متعصبة، واللغة بينهم كانت مفقودة لأن بابا ما بيعرفش اللغة المجرية وماما ما بتعرفش عربي؛ فاتفقوا إنهم يكلموا بعض باللغة الألمانية لأنهم كانوا عارفين ألماني كويس، لكن لما كانوا بيتخانقوا كان بابا بيشتمها بالعربى شتائم فظيعة، وهي كمان كانت بتشتمه بالمجري؛ لكنهم كانوا بيتصالحوا بسرعة بالألماني".
"المهم كانت العلاقه بينهم جميلة جداً، واستمرت جميلة على طول لدرجة إن بابا كان في رمضان بيحط فلوس في أظرف ويعطيها لماما تفرقها على الغلابة وكانت ماما في رمضان تقف في البلكونة، وكنا في الدور الأرضي، ولما تشوف أي حد باين عليه الفقر تنادي عليه وتقول له: يا بيه يا بيه (خدي الظرف ده بتاع جوزي وادعي عليه)، وكانت طبعاً تقصد ادعي له واستمرت على العادة دي حتى بعد ما بابا مات".
"وأنا صغيرة كان ليّ سرير جميل لونه بمبي في غرفة ماما كنت بحبه جداً؛ لكن لما أخويا يوسف اتولد ماما رمتني في الغرفة التانية بتاعة بابا، واستولى يوسف على سريري وأنا كنت باكرهه موت وهو صغير؛ لأن ماما كانت بتحبه أكثر مني.. وافتكر يوم كنت تعبانة جداً وكان عندى سعال ديكي، وسمعت الدكتور بيقول لماما: خلي البنت بعيدة عن الولد علشان العدوى، وأنا ما صدقت سمعت الكلام ده، وخليت ماما في المطبخ، ورحت جري على يوسف، وفضلت أكح في وشه علشان يموت؛ لغاية لما ماما قفشتني وكانت هتموتني من الضرب، أصلها كانت صعبة جداً في معاملتها، وكل ما أعمل أي حاجة غلط ألاقي القلم نزل فرقع على وشي، وكانت متسلطة وبتفرض رأيها على كل اللي في البيت، ودماغها كانت ناشفة وعنيدة".
"ماما دخلتني مدرسة الراهبات من غير ما بابا يعرف، ودخلتني على أساس إني مسيحية وقالت لهم إن اسمي ماري فخري.. وكنت أدرس الدين المسيحي وأعترف عند القسيس بأنني مسيحية، ولكن في يوم بابا دخل على غرفتي وأنا بذاكر فسألني بتذاكري إيه؟؟ قلت له دين فشاف الكتاب قال لي أنتِ مسلمة والكتاب ده مش الكتاب بتاعنا ويومها اتخانق مع ماما، وراح معايا تاني يوم للمدرسة وطلب من المسئولين في المدرسة ألا أدرس الدين المسيحي؛ لأنني مسلمة وفعلا اتمنعت من تدريس هذا الدين وأصبحت بعدها لا دينية لا أنا عارفة أنا مسلمة ولّا مسيحية".

"والغريبة أن بابا دايماً كان بيصلي وبيصوم لكنه عمره ما طلب منا أن نصلي أو علّمنا الصلاة تكون إزاي، وكان بابا دايماً بالليل يقعد معانا وكل واحد منا كان ليه كرسي بجواره أباجورة خاصة بيه وكان دايماً يقرأ كتب ويجيب لنا كتب نقرأها، وكان دايماً يقولنا إن ربنا معانا في كل وقت هتلاقوه في نومكم وكتبكم وفي كل حتة وكان بابا حنين أوي وطيب وكان دايماً بيعطيني فلوس، لكن ماما كانت صعبة جداً وكنت كل ما أقول لها عاوزة قرش.. تقول لي هتعملي إيه مقابل ما هتخديه؟؟ أقول لها ولا حاجة.. تقول ليّ يبقى ده تسوّل.. ما فيش فلوس اللي يشتغل هنا ياخد فلوس.. فقلت لها طيب أعمل إيه قالت لي تكوي مريلتك بتعريفه وقميص بابا بقرش والملاية بثلاثة قروش، وعملت ليّ تسعيرة لكل حاجة وبعدها بقيت باشمكوجي العيلة وباخد فلوس كتير وكنت دايماً باوسخ المريلة والملايات عشان يتغسلوا وأكويهم أنا وباخد الفلوس".
"بدايتي الفنية كانت بالصدفة؛ لأن التمثيل أصلا لم يكن في يوم من الأيام من هواياتي، ولم يخطر ببالي أبداً أن أكون ممثلة والمسألة جاءت بالصدفة البحتة، فأنا قلت لماما في يوم أنا نفسي أتصوّر صورة وأعلّقها في برواز وأحطها في الصالون، فماما قالت لي هصورك في عيد ميلادك وفعلاً وفت بوعدها، وفي يوم عيد ميلادي أخدتني وذهبنا إلى محل الصور وهناك المصوراتي قال لنا أنتم جايين عشان مسابقة صورة الغلاف؟ فماما قالت له إيه صورة غلاف دي؟ قال لها دي مسابقة عملاها دار الهلال لاختيار أحلى صورة فتاة ودي تصويرها بيكون ببلاش لكن الصور الخاصة بخمسة جنيه.. فماما قالت خلينا في أبو بلاش أحسن وفعلاً اتصورت ورجعنا البيت ونسينا موضوع المسابقة خالص، وفي يوم بابا رجع البيت وزعابيب أمشير على وشه وفضل يزعق؛ لأنه وصله جواب باسم الآنسة مريم فخر الدين وبه شيك بـ250 جنيها مقابل فوزي في المسابقة وبرغم غضب بابا وثورته التي وصلت إلى أنه ضرب ماما علقة ساخنة جداً، إلا أنني كنت في قمة سعادتي طبعاً لأن معايا 250 جنيها عشان اختاروني كأجمل بنت".
"وبعدها أصبحت مشهورة جداً؛ لأن مؤسسة دار الهلال وضعت صورتي على كل أغلفة المجلات التي تصدرها.. ولفتت صورتي أنظار المخرجين والمنتجين وكان الفنان أنور وجدي هو أول واحد ييجي لنا البيت ولما بابا شافه قدام الباب طرده وقاله: "ما عندناش بنات لل(رة دي"، وبعده على طول جاء الفنان حسين صدقي وبابا طرده هو كمان وبعده جه لنا المخرج أحمد بدرخان وهو كان صديق مقرّب لبابا؛ لأن والده كان صديق بابا من أيام الفيوم وكان مع أحمد بدرخان سيناريو فيلم "ليلة غرام" وكتاب "اللقيطة" للكاتب عبد الحليم عبد الله، فسأله بابا عن سبب زيارته؟؟ فقال له أنا عاوز مريم تمثل في فيلم جديد، فبابا قال له هارد عليك بعد أسبوع، ولما قرأ بابا الرواية وعجبته جداً ووافق إني أمثلها".
"المهم.. أنا حفظت السيناريو كويس ورحت الاستوديو وكان أول مشهد هقوله كان أمام الفنان حسين رياض وكانت ذقنه طويلة جداً فخفت جداً؛ لأني أول مرة في حياتي كنت باشوف راجل له شعر في وشه وفضلت أكلم نفسي وأقول أكيد ده رجل غريب مش زي الباقيين وفضلت سرحانة وأنظر له ولا أتكلم، وكان هو في انتظار كلامي حتى نبدأ تصوير، ولكني كنت سرحانة فتضايق جداً وزعق لي وقال لي مثلي يلّا، قلت له يعني إيه أمثل؟ قال لي يعني تقولي الكلام اللي حفظتيه بإحساس، واتدربت على التمثيل وخلصت الفيلم ولما اتعرض حقق نجاحاً كبيراً، وبعدها عملت أربعة أفلام وفي كل مرة بابا كان بيقول لي ده آخر فيلم تعمليه، ولما الفيلم ما ينجحش يقول لي الفيلم الجاي هيكون الأخير".


"في مرة من المرات جاء المخرج محمود ذو الفقار إلى بابا عشان يتفق معاه على فيلم جديد وبابا كان عاوز يطفّشه فقال له هاخد في العقد ثلاثة آلاف جنيه بشرط ألا يكون في الفيلم رقص ولا قبلات ولا مايوهات، فغضب محمود ذو الفقار وقال له أمال هي هتعمل إيه؟ هتروح وتيجي قدام الكاميرا وخلاص وتاخد ثلاثة آلاف جنيه، أمال لو قلت لك أتجوزها هتقول لي هاخد مليون جنيه؟ فرد عليه بابا وقال له في المسألة دي نسأل مريم وكنت لسه صغيره مش فاهمة يعني إيه جواز وبابا نادى عليّ وقال لي: (يا ميمى تتجوزي الراجل ده؟) فبصيت له وقلت له: ماشي موافقة.. وماحسيتش أبدا إني سعيدة أو إني عروسة".
"وكان نفسي ألبس فستان وأعمل فرح لكن محمود ذو الفقار قال إزاي أعمل عريس وأقعد في الكوشة مع عيلة زي دي وماعملتش فرح لكن رحت وقضيت شهر العسل في بيروت وأنا بصراحة ماكنتش بحبه؛ لأن أخلاقه كانت وحشة وحامية وكان لسانه طويل وكل حاجة يشخط فيها ويزعّق ويشتم ويضرب كمان".
"وعندما تزوجته قدّمت معه فيلم "الشك القاتل" دون مقابل لأنني زوجته.. وبعد ذلك جاء لي فريد الأطرش كي يعرض عليّ بطولة فيلم وقلت له اتفق مع محمود وكان محمود بياخد كل فلوسي ويعطيني كل يوم مصروف 25 قرش وفضل على كده حتى بعد ما بقيت نجمة كبيرة وعملت فيلم "حكاية حب" مع عبد الحليم حافظ وحقق نجاح كبير وبدأ يزورني في الاستوديوهات كبار الكتّاب أمثال مصطفى أمين ويوسف السباعي ووزراء كتيرررر".
"وفي يوم جاء لي المخرج حلمي حليم وقال لي إيه ده إنتي بخيلة جدا، إزاي يجيلك وزير وماتقدميش له أي حاجة يشربها، فقلت له منين بس أنا مصروفي كله 25 قرش باشترى بيها ساندوتش وحاجة ساقعة وخلاص، فقال لي وفلوسك بتاعة الأفلام بتوديها فين؟ قلت له محمود بياخدها كلها فرد عليّ وقال لي أصلك حمارة وقال لي على فكرة أعملها وهي إني أطلب 6 آلاف جنيه من المنتج وأشترط عليه يكتب في العقد 3 آلاف بس وآخد الـ3 آلاف التانيين وأخبيهم من محمود ذو الفقار وفعلا عملت كده لكن كنت محتارة أحط الفلوس فين لأني لو حطيتهم في البنك السواق هيقول له ففكرت وخطرت لي فكرة جهنمية.. إني أحط كل ألف جنيه في فردة شراب نايلون وأخبيها وراء المراية بتاعتي وفضلت على كده شوية إلى أن سافر محمود إلى لبنان وجريت على المراية وكسرتها وخرجت الفلوس ولقيتهم أربعين شراب بأربعين ألف جنيه".

نستكمل معاً حواديت الفنانة الكبيرة مريم فخر الدين...
"أنا شفت الفلوس من هنا وكنت زي المسعورة وتحولت لوحش وقلت لازم أتخلص من محمود ذو الفقار ولازم يطلقني وفي نفس اليوم رحت لصاحب العمارة وقلت له أنا عايزة شقة واشتريت الشقة اللي أنا فيها دلوقتي وفرشتها وأخدت ابنتي والدادة ونزلنا للدور الرابع وقلت للسفرجي لما ييجى البيه قل له إن أنا في شقتي".

"ولما رجع محمود وعرف باللي حصل فضل يزعّق ويخبّط على الباب بشدة وأنا رفضت أفتح له وفضل يسب ويشتم وكان عامل زي المجنون وكان حاسس إن رجولته اتجرحت قدام البوابين والشغالين فقرر يسيب العمارة كلها وراح عاش مع والدته".
"ولما اتطلقت جاءت ماما وقعدت معايا وطبعا كانت بتوريني الويل وكنت في عز نجوميتي وقتها وكنت الأميرة إنجي والدنيا كلها بتتكلم عني وكانت كل ما أرجع من الاستوديو وأنا لابسة ومتشيكة تقول لي: (يلّا حبيبي عشان تاخد نصيبك من تشطيب المطبخ) أقول لها: يا ماما إحنا عندنا شغالين تقول لي لا لازم تغسلي الأطباق، إنت نجمة بره البيت وخدامة عند ماما".
"أما بابا فكان في يوم من الأيام ماشي بيتفرج على صوري المتعلقة في الشوارع وهو فرحان بيّ وفجأة عمل حادثة ونقلوه على المستشفى وكنت وقتها عند الكوافير باعمل شعري والسواق جه وقال لي والدك عمل حادثة وهو في المستشفى جريت عليه ورحت ولقيته نايم على السرير ويوسف أخويا ماسك إيده فمسكت أنا إيده الثانية ووقتها بابا أخد إيدي وحطها على إيد يوسف أخويا فحسيت إنه بيقول لي خلي بالك منه وبعدها مات بابا على طول وحزنت عليه جدا وفي نفس الوقت حبيت يوسف أخويا جدا وكنت باعامله كأنه ابني وكنت بادلعه وباعطيه فلوس كثيرة جدا".
"المهم لما اتطلقت من محمود ذو الفقار وماما جاءت قعدت معايا كنت باتجوز على طول بعد شهور العدة ما تخلص عشان أهرب من جحيم ماما واتجوزت بعد كده الدكتور محمد الطويل وكان أستاذ في جراحة الأنف والأذن والحنجرة واستمر زواجنا أربع سنين ولكننا اختلفنا واتطلقنا.. بعدها سافرت على لبنان واتعرفت على المطرب السوري فهد بلان وكان طيب جدا وبيموت فيّ وطلب يتجوزني وأنا وافقت لكن للأسف ولادي كانوا بيكرهوه وأجبروني على الطلاق منه رغم إنه كان أحن أزواجي عليّ وعلى أولادي وكان كريم جدا معانا".
"وبعد كده قلت لهم اختاروا لي أنتم زوج تكونوا بتحبوه فاختاروا لي شريف الفضالي وكان أصغر مني بعشر سنين بس كان بيحبني جدا ونفسه يتجوزني المهم وافقت على زواجي منه وفضلت معاه لغاية لما أولادي اتجوزوا وبعدها طلبت الطلاق منه، وحلفت بعد كده ما أتجوز أبدا وتفرغت للتمثيل والاستمتاع بحياتي من غير وجع دماغ".
"بس على فكرة عاوزة أقول لك حاجة مهمة إن قسوة ماما عليّ أفادتني كثير في حياتي وأنا كنت بحبها وزعلت عليها لما ماتت، ولغاية دلوقتي بافتح كل يوم قناة المجر عشان أحس إنها موجودة معايا ربنا يرحمها.. افتقدتها كتير".

"الله يرحم فريد الأطرش كان حبيبي وكان من أكرم وأطيب الناس اللي قابلتهم في حياتي واشتغلت معاه خمسة أفلام، وأول فيلم اتعاقدت معاه عليه كنت وقتها حامل في ابنتي إيمان، وجالي فريد وقال لي عايزك معايا في الفيلم فاعتذرت له وقلت أديك شايف بطني قدامي أد إيه وما ينفعش أمثل كده.. وساعتها رفض وقال لي هستناكِ لغاية لما تقومي بالسلامة وفعلاً استناني لغاية لما ولدت".

"وهو كان فنان عربي كريم جداً وكان كل يوم عنده حفلة غداء، وكان بيته أشبه بالنادي وكان الكل لازم ياكل سواء بمزاجه أو غصب عنه، وفي يوم عزمته على الأكل وسمعت صوت عربيته تحت العمارة فقلت أحضّر السفرة وأحط الأكل وفضلت مستنية لمدة ساعة وهو ما طلعش فقلت أنزل أشوف في إيه.. لقيته لامم البوابين بتوع العماير اللي جنبنا وقاعد في وسطهم وماسك العود وعمّال يغني لهم".
"أما عبد الحليم حافظ كان طيب أوي، وحققت نجومية كبيرة بعد ما مثلت أمامه فيلم "حكاية حب"، لكنه خاصمني وزعل مني بعد الفيلم ده؛ لأنه بعد الفيلم ده أسس شركة إنتاج وطلب مني أن أشاركه بطولة فيلم "الخطايا"، ولكني رفضت لأني حسيت إنه مش على نفس مستوى فيلم "حكاية حب"، ولما رفضت زعل مني جداً وخاصمني فترة، لكن اتصالحنا بعد ما مثّلت فيلم "البنات والصيف" اللي كان برضه من إنتاجه".

"وعلى فكرة علاقة فريد الأطرش وعبد الحليم كانت كويسة جداً وما كانش بينهم أي مشاكل، وأنا عزمتهم هم الاتنين على الغداء عندي في البيت كتير.. لكن الجرايد هي اللي كانت بتكبّر المواضيع على الفاضي".

"وبالنسبة لأحمد مظهر كان من أهم الفنانين المقرّبين من قلبي وكنت بحبه جداً، وكان بينا ذكريات كثيرة وكان صديقي الصدوق اللي كنت باحكي له كل حاجة وأنا مرتاحة؛ لأنه كان فعلاً برنس وكان شيك وجنتل مان وبيعرف إزاي يعامل الستات، وفضلنا أصحاب إلى أن تُوفي ولم أتركه إلا وهو يدخل قبره وهو من أكثر الناس اللي اتأثرت بموتهم".

"الحاجة شادية من أهم أصحابي لغاية دلوقتي وهي ساكنة في العمارة اللي جانبي على طول ولازم نتكلم كل يوم أنا وهي؛ لأني باعتبرها أختي الوحيدة وزمان كنت أنا وهي وفاتن حمامة متجوزين تلاتة إخوات محمود وعز وصلاح ذو الفقار.. لكن شادية كانت أقرب لقلبي".
"وكنا زمان لما محمود يسافر ولا يروح للراقصة اللي اسمها آيات، كنت ببعت لشادية وفاتن وأخت شادية وأخو فاتن ونفضل طول الليل نشوي كباب وكفتة وناكل ونرقص.. والله كانت أيام حلوة".
"أنا من أكثر الفنانات اللي أخذوا جوائز وأنا ما فرحتش بأي جائزة، وكل الجوايز اللي أخدتها حطيتها في كيس بلاستيك ورميتها فوق الدولاب أصل معظمها تماثيل أي كلام وخلاص وبتصدي!".

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

شكرا يا عزيزتي نور عالموضوع
فعلا مريم فخر الدين انت ممثلة جمياة و قامت بعدة ادوار جميلة جدا
خصوصا دور انجي

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

بس على فكرة عاوزة أقول لك حاجة مهمة إن قسوة ماما عليّ أفادتني كثير في حياتي

القسوة في معظم الأحيان مفيدة وتضعنا على الدرب الصحيح في حياتنا .... تسلم الأيادي حبيبتي نور على ذكريات الفنانة مريم فخرالدين

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

sirine كتب:

شكرا يا عزيزتي نور عالموضوع
فعلا مريم فخر الدين انت ممثلة جمياة و قامت بعدة ادوار جميلة جدا
خصوصا دور انجي

اسعدني مرورك ياغالية

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى

ghada كتب:

بس على فكرة عاوزة أقول لك حاجة مهمة إن قسوة ماما عليّ أفادتني كثير في حياتي

القسوة في معظم الأحيان مفيدة وتضعنا على الدرب الصحيح في حياتنا .... تسلم الأيادي حبيبتي نور على ذكريات الفنانة مريم فخرالدين

شكرا لمرورك ياغالية

الموضوع الأصلى : مريم فخر الدين : بعت مجوهراتي.. وأشتريت قبرا  المصدر : قيثارة الغناء العربى