لفات طرح جديدة للوش الصغير والكبير

الربطة الأولى
في الربطة دي هنستخدم اللون البيج اللي فيه لمعة بسيطة وعلى فكرة الربطة دي تنفع الصبح وبالليل لو عندك خروجة مهمة أو حفلة خطوبة. وعلى فكرة لون الإيشارب ده بيليق مع جميع ألوان البشرة.
هنربط الطرحة إسبانيش عادي وبعد كده ناخد جزء منها ونربطه من فوق زي الشينيو...
[ندعوك للتسجيل في المنتدى أو التعريف بنفسك لمعاينة هذه الصورة]
بعد كده نحط عليها الطرحة المنقوشة، هنمسك الطرحة المنقوشة ونربطها بحيث إننا نداري منطقة الرقبة، هناخد الجزء الصغير من الطرحة البيج اللي كان موجود عندنا في الخلف ونجيب جزء صغير من الطرحة المنقوشة ونربطهم مع بعض من على جنب على شكل وردة، وده عن طريق إننا نكشكشهم بالدبوس بالراحة.
[ندعوك للتسجيل في المنتدى أو التعريف بنفسك لمعاينة هذه الصورة]
على فكرة الربطة دي اسمها الربطة التركي ودي بتليق على الوش الطويل والجبهة الكبيرة.

[ندعوك للتسجيل في المنتدى أو التعريف بنفسك لمعاينة هذه الصورة]
الربطة الثانية
هنستخدم فيها برضه لونين؛ اللون الأول هو الأسود وهنربطه من الأمام بدبوس من تحت الرقبة، بعدين نربط عليها التركواز من الأمام برضه من تحت الرقبة، وناخد بالنا إننا نسيب حتة طويلة وحتة قصيرة في كل طرحة، ونحاول نبين الطرحة اللي لونها أسود من الأمام بحيث إنها تبان كأنها بندانة... بعد كده ناخد الطرف الكبير من الإيشارب الأسود ونلفه من فوق ونربطه من ناحية الشمال بدبوس علشان يعمل علو للطرحة وما تبقاش مبططة على الوش.
[ندعوك للتسجيل في المنتدى أو التعريف بنفسك لمعاينة هذه الصورة]

بعد كده بنلف الطرف الكبير من الإيشارب التركواز بنفس الطريقة اللي لفينا بيها الإيشارب الأسود وناخد بالنا إننا نبين جزء من الإيشارب الأسود من فوق زي ما موجود في الصورة...بعد كده بناخد الطرف القصير في الإيشارب الأسود والتركواز ونربطهم باستخدام الدبوس على شكل وردة من على جنب. [ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي وعلى فكرة اللفة دي ممكن نعملها كمان لبنت وشها صغير بس في الحالة دي ما نستخدمش الإيشارب الأسود اللي تحت.
[ندعوك للتسجيل في المنتدى أو التعريف بنفسك لمعاينة هذه الصورة]

الربطة الأولى
أول ربطة معانا النهارده ربطة بسيطة جدا تنفع للصبح، وهي عبارة عن إيشاربين قطن بلونين مختلفين ومناسبين لبعض ربطنا الأول إسبانش ربطة عادية خالص ومن فوقه الإيشارب التاني... وسيبنا الطرف الطويل على جنب، ولفينا الطرف القصر على الشعر من وراء والطرف الكبير ربطناه من على جنب بدبوس بطريقة بسيطة.

[ندعوك للتسجيل في المنتدى أو التعريف بنفسك لمعاينة هذه الصورة]
الربطة الثانية
في الربطة دي هنستخدم الطرحة الزيتي اللي استخدمناها في الربطة الأولى وبعد كده نحط عليها الأورنج ونخلي حتة من الزيتي تبان من الأمام ونربطها من وراء، هنمسك الطرف الطويل من الطرحة الزيتي ونجيبه إلى الأمام على الناحية التانية بحيث إننا نداري بيه الرقبة زي ما في الصورة كده.

[ندعوك للتسجيل في المنتدى أو التعريف بنفسك لمعاينة هذه الصورة]
بعد كده بناخد الطرف الطويل للطرحة الأورنج ونلفه على الشعر من فوق زي ما أنا ماسكاها في الصورة كده وبنثبتها من على جنب باستخدام الدبابيس وعلى فكرة الطرحة الثانية في اللفة دي لازم يكون فيها شغل بسيط علشان يبان من على جنب.

[ندعوك للتسجيل في المنتدى أو التعريف بنفسك لمعاينة هذه الصورة]
ده الشكل النهائي زي ما إحنا شايفين كده الوش باين وجميل.

[ندعوك للتسجيل في المنتدى أو التعريف بنفسك لمعاينة هذه الصورة]
منقووووووووول

الموضوع الأصلى : لفات طرح جديدة للوش الصغير والكبير المصدر : قيثارة الغناء العربى

توقيع العضو:

dodyadel

شكرا يا دعاء على اللفات الجميلة

الموضوع الأصلى : لفات طرح جديدة للوش الصغير والكبير المصدر : قيثارة الغناء العربى

توقيع العضو:

ناهد

لفات طرح جديدة للوش الصغير والكبير

لفات طرح جديدة للوش الصغير والكبير

مواضيع مماثلة

مواضيع مماثلة