أصدقائى عشاق الشادية
ومع أجواء حفل النادى الأهلى عام 1981 أحب نعيشها مع بعض ومع شادية العظيمة والأجواء التى أحاطت بهذا الحفل الشهير وكان من حظى السعيد أن حضرته أنا ومجموعة من أصدقائى بصعوبة بالغة لأننا كنا لسة فى اوائل المرحلة الثانوية وغنت شادية فى الحفل ياحبيبتى يا مصر ويا حسن يا خولى الجنيبنة ورحلة العمر ابتدت
شفت نبيل عصمت كاتب ايه فى الأخبار
كاتب ايه يا بهاء
طارق عنده الجرنال .. بيقول أن شادية مش فى حاجة للتلفزيون ولكن التليفزيون هو اللى فى حاجة لشادية
وليه قال كدة
مش عاجبه ان التلفزيون أصبح مقل فى إذاعة حفلات شادية
لكن شادية حفلاتها بتتذاع كل اسبوع على الأقل
هو شايف ان ده مش كفاية لأنها أهم المطربات وأحبهم عند الجمهور
والله عنده حق يا بهاء
طارق جاى ؟
مش عارف يا ناصر انا شايفة هيتجنن عشان حفلة النادى الأهلى
الدعاية بتقول ان شادية نجمة الغناء العربى ستحيي حفل النادى الأهلى بمناسبة الحصول على الدورى رقم 16 ومعروف ان النادى الأهلى يفضل شادية على الجميع
تيجى نروح لطارق وناخده ونروح نادى الجزيرة ونشوف ايه اللى حاصل
وفى نادى الجزيرة :
أكبر صورة لشادية
حفل النادى الأهلى لحصوله على الدورى رقم 16 .. يحيى الحفل .. صوت مصر .. شادية
الحفلة فى قاعة التنس فى النادى يا طارق لكن مش عارفين التذاكر بكام
مش مهم انا عرفت ان النادى عامل تذاكر مخفضة للطلبة .. معقول ؟ وممكن نلم من بعض المهم نجيب تذاكر
تعالوا نحجز
أكيد هنقعد فى الآخر .. مش مهم المهم نشوف شادية وشكل الحفلة كاملة العدد
وبعد حجز التذاكر
تيجى نروح عند بيت شادية
بلاش يا بهاء .. أمن العمارة ما بيرضاش يتكلم معانا وممكن يطردنا
عموما شادية مشغولة فى بروفات الحفلة وانا قريت انها تقريبا هتقدم مجموعة أغانى قصيرة لا تتعدى ثلاث دقايق للأغنية وأنها ستجدد تماماً فى الحفلة دى
عند بيت شادية فى شارع مراد باشا " الجيزة حاليا "
المرة دى فيه بواب يا طارق
مدام شادية موجودة
لا
كالعادة
والله مش موجودة .. فى اسكندرية
ازاى فى اسكندرية وهى بتعمل بروفات حفلة النادى الأهلى
وانت عايزه يقول ايه يا ناصر .. كل مرة يقول حاجة شكل
ياللا نروح
وفى النادى الأهلى بالجزيرة بقاعة التنس
شادية امتى يا جماعة
بعد شكوكو
بصوا مين اللى داخلين
ده عزت ابوعوف والفور ام
قعدوا قدام
ايوة
شكوكو لسه دمه خفيف رغم انه كبر
لكن دمه خفيف
نجمة الحفلة اللى بيغنى فيها هى شادية بطلة فيلم ليلة العيد .. شكوكو كان مع شادية
لكن كانت لسة صغيرة وعمرها ييجى 13 سنة وهى بطلة الفيلم
وكان معاها فى فيلم امال
ياريت بهاء يسكت لانه مش هيفصل
شكوكو خلص فقرته
تفتكر يا طارق شادية ورا الستارة دلوقت
اكيد لها اوضه
لكن صوت الفرقة واضح من هنا
متهيألى سامع شادية بتقوللهم حاجة
دع عبيط ده ولا ايه
مين اللى طلعت ع المسرح
دى نسرين هتقدم شادية
نسرين
مع نجمة حفلنا الليلة صوت حب مصر شادية
كل ده الكورال بيغنى وفين شادية
هيه شادية كدة يا بهاء بتدخل المسرح مع عزف موسيقى يا حبيبتى يا مصر فى الفترة الأخيرة
اهى نازلة من بين الكورة اللى فى الديكور
فستانها احمر عشان النادى الأهلى
وبعد يا حبيبتى يا مصر والقمر واقف وبدأت موسيقى يا حسن يا خولى الجنينة
الراجل اللى ورانا بيقول لشادية ايه بصوت عالى
بيقوللها كنتى فين يا ست .. ما تغيبيش عننا تانى
خليه يسكت مش عارفين نسمع شادية
قمر بيغنى
طبعا يابنى مش صوت مصر
وبعد التصفيق بدأت رحلة العمر
شادية مندمجة قوى فى الجزء الأخير
كان نفسى تعيد الكوبلية اللى فات
ما بترضاش
اسلطنت قوى فى الحتة دى
ضحكة حبيبى حب
يا عم ابقى علق بعد ما نخرج
خلصت .. معقول ماشية ؟
معقول فات ساعة ونص
مع السلامة يا شادية
يعنى هيه سامعاك
ماهوكله بيقوللها مع السلامة
المكان مالوش طعم بعد شادية .. ياللا نمشى لكن مش هنعرف نشوفها فى العربية لأن النادى كبير ومحدش عارف هتخرج منين
زمانها مشيت
ياللا نروح
شادية روعة .. لونها ابيض فيه حمرة الأتراك .. قمر .. وصوتها أحلى من صوتها فى الاذاعة والتليفزيون .. هو فيه زى صوت شادية ؟
صحيح يا بهاء ولو انها غيرت الأغانى اللى كتبت عنها الجرايد
كان نفسى اسمع لحن جديد
شادية دقيقة ومحدش عارف ايه اللى حصل
التليفزيون كان بيصور
اكيد هتتذاع بكرة
ليه مااتنقلتش الحفلة ع الهوا
عشان فيه قرار جديد يلزم النجم بتقديم لحن جديد عند كل حفلة تتذاع ع الهوا وبعدين ماهى رحة العمر تعتبر جديدة لأنه اول تصوير لها .. لكن كلنا عارفينها .. الأغنية مشهورة من حفلة صوت العرب .. أغنية رائعة لكن برضه كان نفسى فى أغنية جديدة ..
المهم نشوفها فى التليفزيون وخلاص وبعدين حنعرف ليه شادية غيرت الأغانى فى الحفلة دى
رحلة العمر ابتدت
وابتدينا نعيش يا قلبى
من زمان كان نفسى احس
بدق قلبى
كنت عايشة زى شئ عايش ومش لاقى حياته
كنت خايفة حتى من قلبى واخاف من خوفى ذاته
فى الحقيقة يا أصدقائى لما كنت باحضر فيلم او حفلة لشادية او بعد كدة المسرحية كنت بابقى سعيد قوى ولكن لما اجى اروح كانت حالتى دايما مش ولابد ما اعرفش ليه يمكن عشان شادية مهما تشوفها او تسمعها لا يمكن تشبع منها
رجعت النهاردة للزكريات واول ما خلصت كتابة لقيت نفسى برضه زى زمان زعلان عشان خلصت كتابة .. ما هى دى شادية تظهر وتختفى زى القمر تمام ونفضل منتظرينه لحد ما يظهر تانى
اندماج القمر
متابعة وانتظار
غناء القمر
شادية وتطريب شادياوى
قمر الغناء
وإلى اللقاء فى أجوء أخرى للشادية العظيمة
السبت 13 يناير 2024 - 6:30 من طرف 
موضوع: شادية وأجواء حفل النادى الأهلى 
