اخر ليلة ***اخر اخرليلة
وسهرنا لحد الفجر...مافات علينا...وصبح على عنينا
وسهرنا ...وأتاري العمر ...كان ناسينا...وياريته نسينا
كان الفرح معانا ليلتها...وكان الحب ليلتها تالتنا
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله

غريبه ساعات ...بتمر الساعات ...مالصبح ياعنيه
من قبل ماييجي وأنا حاسه بحاجات ...مش عرفه ايه هي
واليوم ده مليانه بالاحساس ده هو
من الصبح قلقانه ...قبل ماييجي هو
ماشيه...رايحه جايه...أتزوق دلوقتي ولا بدري شويه
وغريبه غريبه ايه جرالي ايه؟...وايه الحيره ديه وايه الداعي ليها؟
ايه غير لي حالي ...أول مره هي يجيني حبيبي فيها؟
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله

نصيب...وبيقولوا نصيب...وغنوا في المواويل...على المكتوب ياليل
وعالعين اللي تصيب...نصيب
وتبعد القريب...ويبقى الليل طويل...على المحبوب وويل
ولا يرتاح فيه حبيب ...نصيب
واليوم ده حقيقي حلمت ان حبيبي...جم سألوا عليه
رد بصوته عليهم...سألته هتروح ليهم؟...وهتغيب قد ايه؟
قاللي جاي الليله...وفاتت ييجي ميت ليله...على آخر أحلى ليله
وكانت ليله...أحلى ليله
بس ياخسارة ساعتها...قد فرحتنا ساعتها
قلبي كان حاسس ليلتها
ان الليله دي آخر ليله
***الحان بليغ حمدي *** كلمات محمد حمزة

ما عليك ياحبيبي كلام....أحلى كلام فالحب اتقال
عيني ياعيني الله ياسلام...ايه اجمل من كده يتقال
اتكلم ياحبيبي اتكلم....بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام

كلمني ..كلمني كتير...بياخدني كلامك وبطير
وبحس ان الدنيا جميله...وطريقنا مفروش بحرير
أنا جايه ياحبيبي منين؟...وواخدني كلامك على فين؟
مش عارفه غير انك جنبي...ومفيش فالدنيا غير اتنين
ياعنيه ده كلامك ليه...بيخلي الأحلام ورديه
وبسابق عمري ياحبيبي ...وأستنى الأيام الجايه
اتكلم ياحبيبي اتكلم...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام

قول كل اللي فبالك قول...ده جمالك شئ مش معقول
وحياتك عندي ياحبيبي عايزه أسمع صوتك على طول
همساتك ياحبيبي رقيقه بتدوب كل الشوق فيها
والكلمه اللي انت بتقولها ...ماتقالشي ولااتقال بعديها
اتكلم ياحبيبي اتكلم ...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام

ياليالي طولي طولي ياليالي...هاتي عمري من الأول هاتي
ايه أجمل من حبي معايا...همساته دايبه فهمساتي
مش عارفين للحب نهايه...هو احنا عرفناله بدايه؟
اتكلم ياحبيبي اتكلم...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام
**الحان خالد الامير ***كلمات محمد كمال بدر

خلاص مسافر

.
صحيت في يوم من الأيام حسيت باني غريب
حسيت..بغدر الصحاب ...واللي افتكرته حبيب
وانا..ده اللي ياما غنيت عالليالي..
فالفرح موال..والجرح موال..والصبر موال
أصبح على دي الحال؟
غريب أصبح أنا غريب؟...
غريب..ولاحد جنبي قريب؟..
قلت أسافر...مسافر ...مسافر.

وخايفه لما تسافر..عالبلد الغريب..
تنسى انك فايت...في بلدك حبيب...
مستني بأشواق...تعبان مالفراق...
ومولعلك شمعه...نورها مستنيك...
وفعيونه دمعه...تمسحها بأديك...
لما تجيني تاني...تاني...مالبلد الغريب

يومين وأسافر...يمكن ألاقي الصبر في سكتي
يمكن ألاقي الراحه فغربتي...يومين واسافر

كان نفسي اكون جنبك ...حبيبه من بلدك...تسهر على راحتك...
تفرحلك في فرحك...وتقاسمك في جرحك...والهم تشيله عنك...
بس ارجعلي تاني...تان من البلد الغريب

وخايفه تلاقي وردة...تحلو في عنيك...
تنساني وتميل ...تقطفها بأديك...
وتجرحك الاشواك...وتتعذب هناك...
أقطفها باديه...وماتجرحش اديك...
سيب الجرح لي...وخلي الفرح ليك...
بس ارجعلي تاني...تاني مالبلد الغريب
**الحان بليغ حمدي**كلمات محمد حمزة

**********

الحب الحقيقي
الحب الحقيقي مايتنسيش طول السنين
الحب الحقيقي ماينتهيش ...ولا الحنين...
جايز تلهينا الدنيا جايز...
جايز نقابل ناس تانيه...جايز
جايز نحب وجايز لأ
لكن ياروحي ان جيت للحق
لو قلنا فالبعد ارتاحنا
نبقى ...بنضحك على روحنا
*****
قول ياحبيب العمر احكيلي
عايزه اسمع منك مواويلي
جربت الشوق...ايه رأيك فيه؟
وقدرت ازاي تسهر لياليه
وسألت عليه كتير ياحياتي
الكل لقيتهم زي حالاتي
لو قلنا فالبعد ارتاحنا
نبقى بنضحك على روحنا

سيبنا من كل اللي فات
دوبنا من الليل والأهات
رجعنا نعيش ايامنا الحلوة
خلينا نعيد..من تاني الغنوة
اشتاق الهوا قوي لكلامنا
والدنيا براح قوي قدامنا
وسألت عليه وكتير ياحياتي
الكل لقيتهم زي حالاتي
لو قلنا فالبعد ارتاحنا
نبقى بنضحك على روحنا

***الحان خالد الامير ***كلمات صلاح فايز ***


كلك حنية

كلك حنيه ياحبيبي كلك حنيه...ولافيش زيك في الدنيادي واحد بالميه
الحب الله يعمر بيته اتوصى بقلبي...
وبعتلي هواك يملى حياتي...
ودي أغلى هديه...ودي اغلي هدية ياحبيبي

يامصحي نهاري بمواويلك...ومنور ليلي بقناديلك
ومداري علي بجناحك...مش عارفه ازاي..أوفي جميلك
يابو روح بترد الروح في ..يابو قلب ماحبش قبلي
وحياتك وغلاوتك عندي...أنا عندي مافيش غيرك لي
ولا بعد حنانك فالدنيا راح يبقى حنان
ولاأكتر من راحة بالي ...أتمنى كمان
الحب الله يعمر بيته..اتوصى بقلبي...
وبعتلي هواك يملى حياتي...ودي اغلي هدية

من كتر الفرحه اللي أنا فيها...مش لاقيه كلمه تكفيها
دي حياتي معاك نغمه جميله...قدام الناس بنغنيها
والحب اللي قريت رواياته...وسمعت من الناس حكاياته
صدقني ما يسوي ولا حاجه..من الحب اللي أنا عايشه حياته
ولا بعد حنانك فالدنيا راح يبقى حنان
ولا أكتر من راحة بالي ...أتمنى كمان
الحب الله يعمر بيته...اتوصى بقلبي...
وبعتلي هواك يملى حياتي...
ودي أغلى هديه...ودي اغلي هدية ياحبيبي

***الحان محمد ضباء الدين ***كلمات صلاح فائز